Эроннинг Боружен шаҳридаги магистрал газ қувурида портлаш ва ёнғин содир бўлди. Бу ҳақда шаҳар раҳбари Фаттоҳ Каримийга таяниб, Меҳр агентлиги хабар берди.
Қувурнинг ушбу қисмидаги газ таъминоти тўхтатилган. Воқеа жойида қутқарув ва ўт ўчириш бригадалари ишламоқда.
“Қувурларда газ бор экан, аланга давом этаверади”, — дейди Фаттоҳ Каримий.
Унинг сўзларига кўра, қурбонлар ва жароҳатланганлар йўқ. Қаз қувури яқинидаги йўлда ўтган транспорт воситаларига ҳеч қандай зарар етмаган.
“Даҳшатли портлаш овози ва унинг оқибатида келиб чиққан ёнғин мамлакатнинг Боружен шаҳридаги Холвай довони ва Белдажи шоссеси ўртасидаги магистрал газ қувурида содир бўлган, қурбонлар ҳақида ҳозирча маълумот йўқ”, — дейилади хабарда.
Маълумот ўрнида, 2 февраль куни Кения пойтахти Найробида газ портлаши ва кучли ёнғин содир бўлган эди. Ҳодиса оқибатида бир киши ҳалок бўлган, 271 киши жароҳатланган эди.
Изоҳ (0)