Россия 2026 йилгача урушда ғалаба қозонишни режалаштирмоқда, асосий нишон Харьков ва Днепр. Британия қироллик бирлашган хизматлар Институти (RUSI) тадқиқотчилари Жек Уотлинг ва Ник Рейнольдс ўзининг прогнозлари билан бўлишди.
“Россия Украинани ўзига бўйсундиришдек стратегик мақсадини амалга оширишда давом этмоқда. Ҳозирда у ғалаба қозонишига ишонади. Россия воситачилари таклиф қилаётган таслим бўлиш шартларига Россия босиб олган ҳудудлардан, шунингдек, Харьков ва баъзи версияларда Одессадан воз кечиш, Украинанинг НАТОга аъзо бўлмаслиги ва Россия томонидан тасдиқланган давлат раҳбарини сақлаб қолишни ўз ичига олади. Россия таклиф қилаётган ягона муҳим имтиёз бу Украина қолган ҳудудлари билан Европа Иттифоқига қўшилиши мумкин”, — дейди экспертлар.
Уларнинг фикрича, Россия бу натижага эришмоқчи бўлган жараён уч босқичдан иборат:
- Бутун фронт чизиғи бўйлаб босимни давом эттириш;
- Халқаро ҳамкорларнинг Украинага ҳарбий ёрдам кўрсатишни давом эттиришига тўсқинлик қилиш;
- Жанг майдонида муваффақиятлар олиб келувчи ҳужум операцияларини давом эттириш.
“Кейин бу муваффақиятлар Киевни рус шартларига таслим бўлишга мажбурлаш сифатида ишлатилиши керак. Ушбу мақсадларни амалга ошириш бўйича режалар 2026 йилгача ғалабага эришиш кераклигини кўзда тутади”, — дея таъкидлайди экспертлар.
Агар халқаро ҳамкорлар Украина армиясини ресурслар билан етарли даражада таъминлай олмасалар, Россиянинг ғалаба қозониш назарияси тўғри чиқади. Бироқ, агар Украина етарлича ўқ-дорилар билан таъминланса, Россия 2025 йилда сезиларли муваффақиятга эришмайди.
2026 йилдан кейин Россиянинг жанговар кучи сезиларли даражада пасайишни бошлайди ва бу вақтга келиб Россия саноати жиддий равишда издан чиқиши мумкин, деб хулоса қилади Уотлинг ва Рейнольдс.
Изоҳ (0)