17 февраль куни “2024-трендлари” конференцияси доирасида соҳа мутахассислари, Uzum Market миллий маркетплейси раҳбарлари ва тадбиркорларнинг ўзлари маркетплейсида бизнесни қандай ривожлантириш ҳақида сўзлаб беришади. Конференция Жаҳон банки, Ўзбекистон Республикаси Монополияга қарши қўмитаси ва “Kapitalbank” кўмагида ўтказилади.
Ўзбекистондаги онлайн-савдо бозори Марказий Осиёда энг тез ўсиб бормоқда, бутун мамлакат бўйлаб тадбиркорлар ва харидорлар маркетплейсларни фаол ўзлаштирмоқда. Ушбу ўсишнинг муҳим омили — миллий платформалар, ишлаб чиқарувчилар ва кичик ва ўрта бизнесни давлат томонидан қўллаб-қувватлашдир. Истиқболли лойиҳалар миллий агентлиги директорининг биринчи ўринбосари Вячеслав Пак конференцияда табрик нутқи билан чиқиш қилади.
Ҳозирда энг йирик миллий платформа Uzum Market қандай ривожланаётгани, тадбиркорлар учун режалар ва янги имкониятлар ҳақида маркетплейснинг бош директори Илшат Хаметов гапириб беради.
Бугунги кунда Uzum Market инфратузилмасидан мамлакат бўйлаб 8000 дан ортиқ компания ва тадбиркорлар ўз бизнесини ривожлантириш учун фойдаланмоқда. Уларнинг сонини кўпайтириш учун эса биз географияни кенгайтирамиз ва янги омборлар қурамиз, экотизим шериклари билан биргаликда тадбиркорлар учун янги молиявий воситалар ва онлайн сервисларни ишлаб чиқамиз, — дейди Илшат Хаметов. — Ва, албатта, биз сотувчилар ҳамжамиятини ривожлантиришни фаол қўллаб-қувватлаймиз, чунки ҳеч ким тадбиркорни соҳадаги ҳамкасбидан яхшироқ тушунмайди.
Форум доирасида топ-селлерлар фойдали маслаҳатлар ва кейслар билан ўртоқлашади, Kapitalbank вакиллари бизнесни ривожлантириш учун молиявий воситалар ҳақида гапириб беришади, аналитик сервисларнинг раҳбарлари иштирокчиларга маълумотлар асосида ишларни йўлга қўйишга ёрдам беришади ва ишлаб чиқарувчилар билан ишлаш бўйича мутахассислар сизга бозорлардаги ассортиментни қандай кенгайтириш кераклигини айтиб беришади.
Форум ҳақида батафсил ва рўйхатдан ўтиш шакли: ҳттпс://селлерcлуб.уз/
Шериклик ҳуқуқи асосида.
Изоҳ (0)