2009—2017 йилларда Мўғулистон президенти бўлган Цахиагийн Элбегдорж Россия президенти Владимир Путиннинг америкалик журналист Такер Карлсон билан бўлган шов-шувли интервьюсига муносабат билдирди. Россия президенти Украинага қарши тажовуз ҳақида гапирар экан, бу ҳудуд “Россиянинг тарихий ерлари” эканини айтиб ўтганди.
Элбегдорж Х (собиқ Twitter) ижтимоий тармоғида Мўғулистоннинг тарихий ерлари ҳақида ёзиб, ҳатто Мўғул империясининг харитасини ҳам кўрсатган.
Харитада Россиянинг замонавий ҳудуди бир неча асрлар давомида Мўғуллар империясининг бир қисми бўлгани кўринади.
“Хавотир олманг, биз тинчликсевар ва озод халқмиз”, деб ёзди Элбегдорж ушбу харитага изоҳида.
Изоҳ (0)