2023 йилда Грузияда туризмдан тушган даромад 4 миллиард доллардан ошди, бу тарихдаги рекорд кўрсаткичдир. Бу ҳақда мамлакат миллий туризм бошқармаси раҳбари Майа Омиадзе хабар қилди.
“2023 йилда Грузия мисли кўрилмаган миқдорда даромад олди — 4 миллиард доллардан кўпроқ, бу 2019 йилга нисбатан 26 фоизга кўп. Бу Грузия тарихида туризмдан бундай ҳажмдаги даромад олинган биринчи ҳолатдир”, — деди у.
Грузия Миллий туризм бошқармаси хабар беришича, 2023 йилда халқаро туризмдан тушган даромадлар 2019 йил даражасидан 26,2 фоизга (856,7 миллион доллар), 2022 йилдагидан эса 17,3 фоизга (608,7 миллион доллар) ошган. Бир йил ичида Грузия рекорд даражадаги 4,1 миллиард доллар даромад олди.
Шунингдек, ўтган йили даромадлар ортиши билан бирга сайёҳлар сонининг сезиларли даражада ошгани қайд этилган. Хусусан, 2023 йилда Грузияга 7 072 220 нафар халқаро саёҳатчи ташриф буюрган, бу пандемиядан олдинги даврга нисбатан 30,3 фоиз ўсишни ташкил этади.
2023 йилнинг тўртинчи чорагида 1 013 891 нафар халқаро сайёҳлик ташрифи амалга оширилди, бу 2019 йилнинг шу даврига нисбатан 93 фоизга кўпдир.
Изоҳ (0)