Шимолий Корея баллистик ракеталарни назорат қилишнинг янги тизимини ва бошқариладиган снарядларни ишлаб чиқди.
Мудофаа фанлари академияси якшанба куни 240 миллиметрлик бошқариладиган янги снарядларни синовдан ўтказди, деб хабар беради Yonhap ахборот агентлиги.
“240 мм калибрли бошқариладиган кўп марталик ракета тизимлари ва уларнинг баллистик бошқарув тизими армиямизнинг кучини сифат жиҳатидан ўзгартиради”, — дейилади баёнотда.
Ўтган йилнинг ноябрида КХДР баллистик ракеталарни Россияга топширгани маълум бўлган эди. Гап Шимолий Кореянинг “Точка-У” аналоги бўлган Р-17 ракеталари ҳақида бормоқда.
Янги йил байрами кунлари Россия Федерацияси Украинага Шимолий Корея ракеталаридан фойдаланган ҳолда оммавий ҳужумни уюштиргани хабар қилинганди. Шу билан бирга, AP агентлиги Москва Эрондан қисқа масофали баллистик ракеталарни сотиб олиши мумкинлигини хабар қилганди.
Изоҳ (0)