2023-yilda Gruziyada turizmdan tushgan daromad 4 milliard dollardan oshdi, bu tarixdagi rekord ko‘rsatkichdir. Bu haqda mamlakat milliy turizm boshqarmasi rahbari Maya Omiadze xabar qildi.
“2023-yilda Gruziya misli ko‘rilmagan miqdorda daromad oldi — 4 milliard dollardan ko‘proq, bu 2019-yilga nisbatan 26 foizga ko‘p. Bu Gruziya tarixida turizmdan bunday hajmdagi daromad olingan birinchi holatdir”, — dedi u.
Gruziya Milliy turizm boshqarmasi xabar berishicha, 2023-yilda xalqaro turizmdan tushgan daromadlar 2019-yil darajasidan 26,2 foizga (856,7 million dollar), 2022 yildagidan esa 17,3 foizga (608,7 million dollar) oshgan. Bir yil ichida Gruziya rekord darajadagi 4,1 milliard dollar daromad oldi.
Shuningdek, o‘tgan yili daromadlar ortishi bilan birga sayyohlar sonining sezilarli darajada oshgani qayd etilgan. Xususan, 2023-yilda Gruziyaga 7 072 220 nafar xalqaro sayohatchi tashrif buyurgan, bu pandemiyadan oldingi davrga nisbatan 30,3 foiz o‘sishni tashkil etadi.
2023-yilning to‘rtinchi choragida 1 013 891 nafar xalqaro sayyohlik tashrifi amalga oshirildi, bu 2019-yilning shu davriga nisbatan 93 foizga ko‘pdir.
Izoh (0)