Грузия бош вазири Ираклий Гарибашвили ҳукумат раҳбари лавозимини тарк этди. Бу ҳақда “Грузия онлайн” нашри хабар берди.
Гарибашвили истеъфоси ҳақда ҳукумат администрацияда ўтказилган брифингда маълум қилди.
“Жамоа билан муҳокама қилган қароримиз ҳақида жамоатчиликни хабардор қилмоқчиман. Бугун мен бош вазир лавозимини тарк этаман”, — деган Ираклий Гарибашвили.
У Грузия бош вазири лавозимига илк бор 2013 йилда келган эди. Ўшанда Гарибашвили 2015 йил 30 декабрда истеъфога чиққан “Грузия орзуси” асосчиси Бидзина Иванишвили ўрнини эгаллаганди.
Шундан сўнг Георгий Квирикашвили Ираклий Гарибашвили ўрнига Грузия бош вазири этиб тайинланган.
Гарибашвили Грузия ҳукумати раҳбари лавозимига иккинчи марта келишидан олдин мамлакат мудофаа вазирлигини бошқарган ва 2021 йил 22 февралда Гиоргий Гахария ўрнига иккинчи марта бош вазир лавозимини эгаллаган.
“Мавжуд маълумотларга кўра, бу гал Ираклий Гарибашвилини ўрнини ҳукмрон партия раиси Ираклий Кобахидзе эгаллайди”, — дея таъкидлайди “Грузия онлайн”.
Изоҳ (0)