Тошкентда йўл ҳаракати қоидасини 174 марта бузган ҳайдовчига нисбатан чора кўрилди. Бу ҳақда “Миллар” информацион дастурида маълум қилинди.
Қайд этилишича, Lacetti ҳайдовчисининг 1 йил давомида тўланмаган маъмурий жарималари миқдори қарийб 59 миллион сўмга яқинлашган. Шу сабабли, МИБ Шайхонтоҳур тумани бўлими томонидан автомобили хатланиб, жарима майдончасига жойланган.
Қонунчиликка асосан қарздорга ўз қарзини тўлаши учун 15 кун муҳлат берилган. Таъкидланишича, агар қарз тўланмаса, унинг автомобили аукцион савдосига чиқарилади ва сотиб юборилади. Тушган маблағлар қарзини қоплаш учун сарфланади.
Аввалроқ Андижонда 27 та машинаси бор шахсдан 81 та қоидабузарлик бўйича жарима ундирилгани, Ўзбекистонда маст ҳолда машина ҳайдаганларнинг транспорти мусодара этилиши ҳақидаги хабарлар рад этилгани тўғрисида хабар берилганди.
Изоҳ (0)