Кучли шамол сабаб 7 февраль куни Самарқанд ва Жиззах вилоятлари электр таъминотида узилишлар юз берди.
-OCZchmys.jpg)
Энергетика вазирлиги матбуот хизматининг маълум қилишича, ушбу ҳудудларда кузатилган кучли шамол сабаб баъзи бир электр қурилмаларида носозликлар юз берган. Бунинг натижасида Самарқанд вилоятида 457 МВт (114 минг 250 та истеъмолчи), Жиззах вилоятида эса 64 МВт (16 мингта истеъмолчи) қувват билан электр таъминотида вақтинчалик қисқа муддатли узилишлар кузатилмоқда.
Ҳозирги вақтда махсус бригадалар томонидан таъмирлаш ишлари олиб борилмоқда. Носозликлар қисқа вақт ичида босқичма-босқич бартараф қилиниб, истеъмолчиларнинг электр таъминоти қайта тикланади.
Вазирлик келтирилган ноқулайликлар учун истеъмолчилардан узр сўради.
Изоҳ (0)