Тошкентнинг Олмазор туманида тез ёрдам машинаси ва Nexia-3 иштирокида ЙТҲ содир бўлди.
Пойтахт ИИББ Йўл ҳаракати хавфсизлиги бошқармаси матбуот хизматининг хабар қилишича, ЙТҲ 4 февраль куни соат 16:30 ларда Нурафшон—Беруний кўчалари чорраҳасида 1982 йилда туғилган Н.К. бошқарувида бўлган Форд русумли тез ёрдам машинаси ҳамда 1987 йилда туғилган М.А. бошқарувида бўлган Nexia-3 иштирокида содир бўлган.
Ҳодиса оқибатида Nexia-3 ҳайдовчиси ва тез ёрдам машинасининг бир нафар йўловчиси тан жароҳат олган.
Мазкур ҳолат юзасидан Тошкент шаҳар ИИББ Йўл ҳаракати хавфсизлиги бошқармаси ходимлари томонидан суриштирув ишлари амалга оширилмоқда.
Изоҳ (0)