Раҳматулла Назаров Ўзбекистоннинг Беларусдаги элчиси этиб тайинланди. Бу ҳақда “Дунё” АА хабар берди.
Раҳматулла Назаров 53 ёшда. Ўзбекистон давлат жаҳон тиллари университети ҳамда Жаҳон иқтисодиёти ва дипломатия университетини тамомлаган. Меҳнат фаолиятини 1995 йилда Тошкент шаҳридаги тижорат тузилмаларида бошлаган.
1997 йилда Ташқи ишлар вазирлигига шартнома бошқармасининг атташеси лавозимига ишга қабул қилинган, кейинроқ бошқа бир қатор бошқармаларда турли лавозимларда фаолият юритган. Жумладан, Ташқи ишлар вазирлигининг бошқарма бошлиғи лавозимида, Бельгия ва Қирғизистондаги элчихоналарда, Шанхай ҳамкорлик ташкилоти ишлари бўйича миллий координатор сифатида ишлаган.
Ўтган йиллар давомида Ўзбекистон Савдо-саноат палатасида, Тошкентдаги ШҲТ Халқ дипломатияси марказининг биринчи директори бўлган ҳамда Сенат аъзоси этиб сайланган.
Раҳматулла Назаров 2018—2021 йилларда элчихонани бошқарган Носиржон Юсупов ўрнига тайинланди. Беларусга тайинланишидан олдин у ташқи ишлар вазири маслаҳатчиси лавозимида ишлаган.
Маълумот учун, Минскдаги элчихона 2018 йилда очилган. Раҳматулла Назаров Мискда 2021 йилдан буён элчихона маслаҳатчиси, Муваққат ишлар вакили вазифасини бажариб келган.
Изоҳ (0)