Сенегалда президентлик сайловлари арафасида Дакардаги Миллий Ассамблея қаршисида намойишчилар йиғилди. Полиция намойишчиларга қарши кўздан ёш оқизувчи газ ишлатган. Бундан ташқари, мамлакатда мобил интернет ҳам ўчирилган.
Сайлов кампанияси расман бошланишига бир неча кун қолганида, Сенегал президенти Макки Салл сайловлар 25 февралга қолдирилишини эълон қилди. У буни Миллий Ассамблея ва маҳаллий конституциявий суд ўртасида номзодларни сайловдан четлаштириш бўйича можаро билан изоҳлади.
Салл сайловларнинг янги санасини эълон қилмаган, аммо бугун 5 февраль куни Миллий ассамблея бу масалани муҳокама қилиши керак.
Кеча 4 февраль куни Дакарда норозилик намойишлари бўлиб ўтди, улар давомида полиция билан тўқнашувлар юз берди. Бошқалар қаторида, бу намойишларда президентликка номзодлардан бири, Сенегалнинг собиқ бош вазири Амината Туре ҳибсга олинганди. Аммо бир кун ўтиб у озод қилинди.
Туре сайловларнинг кечиктирилишини "демократия учун мисли кўрилмаган муваффақиятсизлик" деб атади ва сенегалликларни ўз ҳуқуқларини ҳимоя қилишга чақирди.
Изоҳ (0)