Сенегалда «Ливерпуль» ҳужумчиси Садио Мане шарафига номланган стадион қурилади.
Daily Mail’нинг хабарига кўра, футболчининг ўзи туғилиб ўсган Седиу шаҳрида 2023 йилда янги футбол стадиони қуриб битказилади. Шаҳар мери ва мамлакатнинг Маданий ва оммавий коммуникациялар вазири Абдулаэ Диоп стадионни Мане шарафига номлашни таклиф қилган.
Садио Сенегал терма жамоасининг Африка Миллатлар Кубогида илк бор чемпион бўлишига катта ҳисса қўшди. Ҳужумчи мусобақадаги барча етти учрашувда майдонга тушди ва учта гол, иккита голли узатмани амалга оширди. Мисрга қарши бўлиб ўтган финалнинг 7-дақиқасида пенальтидан унумли фойдалана олмади. Аммо пенальтилар сериясида жамоасининг ғалаба қозонишига ёрдам берди.
Футболдаги хизматларидан ташқари, Садионинг таълим, соғлиқни сақлаш ва диний соҳаларда амалга оширилган ишлари ҳам инобатга олинган. Жумладан, Мане мактаб, тиббиёт муассасалари қурдирган ва бир қанча масжидларни таъмирлаган.
Изоҳ (0)