Пойтахтнинг Чилонзор туманида калити ичида қолдирилган Nexia-2 номаълум шахс томонидан олиб қочилди. Бу ҳақда “Замон” дастурида хабар берилди.
Маълум қилинишича, орган ходимларининг қидирувидан сўнг машина Сергели туманидаги йўл бўйидан топилган. Чилонзор тумани ИИО фаолиятини мувофиқлаштириш бўлими, эксперт-криминалистика бўлими хулосаси асосида ўғирланган машина ичида қолган бармоқ излари орқали жиноятчи топилди.
Жиноят ишлари бўйича Чилонзор тумани судида қашқадарёлик 38 ёшли судланувчи Жиноят кодексининг 267-моддаси 1-қисми (транспорт воситасини олиб қочиш) билан айбланиб, 2 йил муддатга озодликдан маҳрум этилди.
Тайинланган жазо умумий тартибли колонияларда ўташ белгиланди. Жазони ўташ муддати 2023 йил 14 декабрдан ҳисобланади.
Изоҳ (0)