Миллий баскетбол ассоциациясининг (NBA) собиқ футболчиси Майкл Жорданнинг олти жуфт кроссовкалари кимошди савдосида сотилди. Улар харидорга рекорд даражадаги 8,032 миллион долларга тушди.
Бу ҳақда Sotheby’s аукцион уйига таяниб, AFP хабар берди.
Тўпламда баскетболчининг NBA чемпионлиги учун ҳал қилувчи ўйинларда кийган кроссовкалари тақдим қилинган. Жордан “Чикаго” билан 1991-1993 ва 1996-1998 йилларда NBA чемпионига айланди. У тўрт жуфт кроссовкада ўз дастхатини қолдирган.
Sotheby’s аукцион уйининг таъкидлашича, баскетболчининг пойабзали учун тўланган бундай нарх “бошқа ҳеч қачон такрорланмаса керак”. Харидорнинг шахси ошкор этилмаган.
Майкл Жордан 2003 йилда фаолиятини тугатган.
Изоҳ (0)