17 февраль куни машҳур баскетболчи Майкл Жордан 60 ёшга тўлди. У мухлисларига нафақат юзлаб қизиқарли ўйинларни, балки ҳамма биладиган Air Jordan кроссовкаларини ҳам тақдим этди.
Майкл vs Nike
1980 йилларнинг ўрталарида Nike баскетболчилар орасида деярли машҳур эмасди - бу сегментда Converse ва Adidas етакчи эди. Шунинг учун бренд таваккал қилишга қарор қилди ва истиқболли ёш спортчи Майкл Жорданга шартнома таклиф қилди. У Чикаго Буллз билан эндигина шуғулланаётган бўлса-да, аллақачон спортнинг муҳим фигурасига айланганди. Nike баскетболчидан зудлик билан 5 йиллик шартнома имзолашни сўрайди — гонорар миқдори жуда катта эди. Аммо ҳатто пул ҳам Майклни ўзига оғдира олмайди — у бошқа брендлар билан ҳамкорлик қилишни хоҳлади! Миш-мишларга кўра, Nike агентлари бўлажак юлдузни ишонтириш учун унинг ота-онаси билан ҳам гаплашган. Музокаралар кескин ва узоқ давом этади, аммо якунда Жордан рози бўлади. Ўшанда у ўзига хос кроссовкаларнинг узоқ тарихи айнан шу дақиқада бошланишини англамаган эди.
Барча қоидаларга қарши
Nike дизайнери Питер Мур кроссовка эскизини Майклга кўрсатганида, у ҳаяжонланмайди. Биринчи Air Jordan қора ва оқ рангда қизил ҳошиялар билан безатилган. Бундай палитра Жорданга "иблисона" бўлиб туюлади, аммо у шунга қарамай шартномага рози бўлади. Тўғри, Миллий баскетбол ассоциацияси бунга қарши эди. NBA қоидаларига кўра, барча спортчилар 51% оқ ёки қора поябзал кийишган. Жордан эса ҳар сафар ўзининг Air Jordan имзоси билан майдонга тушганида катта жарима тўлаши керак эди. Nike бу харажатларни қоплашга рози бўлади. Бундай шов-шув туфайли бренд ўз даромадини 5 баробарга оширади.
Қора мушук
Майклнинг карьераси тез ривожланди ва деярли ҳар йили янги “жордан”лар пайдо бўлди. Учинчи авлод кроссовкаларидан бошлаб, баскетболчининг ўзи уларни яратишда иштирок этди. Баъзи моделлар чинакам носталжик бўлиб чиқди. Мисол учун, кўк кроссовкалар университетга бағишланган бўлса, бошқалари Майклнинг тахаллуси — Қора мушукни назарда тутган. 1992 йилда Nike бренд тарихида биринчи марта баскетбол поябзалидаги ўз логотипидан воз кечишга қарор қилди — классик “галочка” Jumpman силуэтига алмаштирилди.
Ҳозирда ҳам актуал
Бугунги кунда 20 дан ортиқ Air Jordan моделлари мавжуд. Энди уларни нафақат ушбу поябзалларнинг элчисига айланган спортчилар, балки кўплаб машҳурлар ҳам кийишади.
Изоҳ (0)