Америкалик машҳур баскетболчи Майкл Жорданнинг 1998 йилда кийган Air Jordan 13 кроссовкаси Sotheby's’да 2,2 миллион долларга сотилди, деб хабар бермоқда “Правила жизни” нашри.
Баскетболчи кроссовкаларни NBA pley-off финалининг 2-ўйинида “Юра Жазз”га қарши ўйинда кийган. Ушбу чемпионатнинг финали Жорданнинг карьерасидаги охиргиси бўлиб, бу ҳақида Netflix ва ESPN 2020 йилда “Сўнгги ўйинчи” мини-сериалини суратга олган.
Жордан ўйиндан сўнг бу кроссовкаларни ўйин давомида тўпларни етказиб берадиган ўсмир болага совға қилган. Йигит кийим алмаштириш хонасидан йўқотган курткасини топиб олганидан кейин баскетболчи унга шу совғани берган.
.jpg)
Кроссовкалар 2-4 миллион долларга баҳоланган, яъни улар бошланғич нархидан атиги 200 минг доллар қимматроққа сотилган. Бироқ, бу кимошди савдоларида спорт пойабзали нархи бўйича янги рекорд ўрнатиш учун етарли бўлди, дея қайд этади CNBC нашри.
.jpg)
Аввалги рекорд 2021 йилнинг октябрь ойида Жорданнинг кроссовкаси туфайли ўрнатилган эди. Кейинроқ Nike бренди модели Лас-Вегасдаги Sotheby's аукционида 1,47 миллион долларга сотилган.
2020 йилнинг май ойида эса 1985 йилда чиқарилган ва Майкл Жорданга тегишли бўлган Nike Air Jordan 1 ҳам Sotheby's’да ўша пайтдаги рекорд даражадаги 560 000 долларга сотилди. Машҳур баскетболчи уларни Chicago Bulls билан ўйинларда кийган ва кроссовкаларда унинг имзоси бор.
Изоҳ (0)