Навоий вилоятида қувур клапанларни ўзлаштириш ҳолати аниқланди, деб хабар беради Бош прокуратура ҳузуридаги департамент.
Маълум қилинишича, департаментнинг Навоий вилоят бошқармаси томонидан терговга қадар текширув ўтказилган. Текширув давомида “И.М.” ДУК вилоят филиали ва “С.Х.” хусусий корхонаси масъул шахслари хусусий корхона томонидан ҳақиқатда етказиб берилмаган 6 турдаги умумий баҳоси 271 миллион сўмлик 55 дона юқори босимли қувур клапанларни кирим қилингани ҳақида сохта ҳужжатларни расмийлаштиргани аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Аввалроқ Сурхондарёда сохта ҳужжатлар орқали 730 млн сўмдан ортиқ кредит маблағлари талон-торож қилингани маълум бўлганди. Шунингдек, Самарқандда 2,2 млрд сўм имтиёзли кредит маблағларини ўзлаштирган МЧЖ раҳбари аниқланган эди.
Изоҳ (0)