Agar hech narsa qilishni xohlamasangiz, kelajak uchun rejalaringiz bo‘lmasa, orzu qilishni to‘xtatgan bo‘lsangiz, quyidagi tavsiyalar bu borada yordam beradi.
Sog‘liq bilan bog‘liq muammolar
Ratsionda vitamin va minerallar yetishmasa, unumdorlik kamayadi, konsentratsiya pasayadi va doim uyqu bosadi. Shuning uchun o‘z vaqtida keng qamrovli tekshiruvdan o‘tish juda muhim.
Uyda yoki ishdagi doimiy nizolar
Stress ostida bo‘lganida tana himoya va omon qolish rejimiga o‘tadi. Miya ishlashdan bosh tortadi, siz butun dunyodan yashirinishni va iloji boricha uxlashni xohlaysiz. Bunday paytda muammolaringizni baham ko‘rishingiz mumkin bo‘lgan yaqin odamingiz bo‘lishi yoki psixologga murojaat qilish muhimdir.
Depressiya
Agar sizda depressiyaning birinchi alomatlari bo‘lsa, majburiy terapiya kerak. Jarayon cho‘zilishi mumkinligi sababli bunday muammodan o‘zingiz xalos bo‘lishga urinmasligingiz lozim. Bu psixolog yoki psixiatrga tashrif buyurishni talab qiladi, og‘ir holatlarda esa maxsus dori-darmonlar buyuriladi.
Kam ish haqi
Ishingizga ko‘proq vaqt ajratsangiz-u, lekin kam oylik olsangiz, yangi ish topish yoki rahbariyat sizni ko‘proq qadrlashi uchun gaplashib olish kerak bo‘ladi.
Faoliyat sohasini noto‘g‘ri tanlash
Misol uchun, butun umr oshpaz bo‘lib ishlashni xohlardingiz, lekin ota-onangiz muhandis bo‘lishingizni talab qildi, chunki bu nufuzli kasb. O‘zingiz yoqtirmaydigan ish qilish sizga hech qachon rohat keltirmaydi, muvaffaqiyatga ham erisha olmaysiz. Har qanday yoshda kasbingizni o‘zgartirish va sizni chinakam ilhomlantiradigan ishni qilish uchun kech bo‘lmaydi.
Ishdagi stress
Stressni yengish uchun ish va shaxsiy vaqtni aniq ajratib olishni, ba’zi vazifalarni topshirishni o‘rganishingiz va maqsadlar hamda turli qiyinchiliklarga duch kelishga to‘g‘ri keladi. Muammolarga emas, balki ijobiy tomonlarga e‘tibor qaratishga harakat qiling: rivojlanish, barqaror daromad, odamlar bilan muloqot va imkoniyatlar qidiring.
Holdan toyishning belgilari va bunday paytda nima qilish kerak?
Bu istaklar, global maqsadlar va oldinga intilishning yetishmasligidan yuzaga keladi. Avvalo, hayotingizni, qanday yashayotganingiz haqida o‘ylab ko‘rishingiz kerak. Katta-kichik rejalaringiz, orzularingiz, intilishlaringiz bormi? Sizni televizor yoki ijtimoiy tarmoqlardan boshqa narsalar ham qiziqtiradimi?
Shuni tushunish kerakki, insonning xohish-istaklari qanchalik kam bo‘lsa, u tashqi dunyoda amalga oshiriladigan energiya ham kamroq bo‘ladi. Agar bu energiya chiqish yo‘lini topa olmasa, u buzg‘unchi harakatlarga aylanadi. Bolalik va o‘tmishdagi travmalar faollashadi va ko‘proq salbiy fikrlar paydo bo‘ladi. Hayotda kutilmagan va yoqimsiz vaziyatlar yuzaga keladi: janjal, tushunmovchilik, umidsizlik va boshqalar.
Muvaffaqiyat kelajakka intiladigan fikrlashni talab qiladi, bunda orzularimizni amalga oshiramiz va ularni aniq maqsadlarga aylantiramiz. Kelajakning ma’lum bir tasviri shakllanadi, siz uni avval ongingizda qurasiz, keyin esa haqiqatga aylantirishga intilasiz. Ushbu maqsadlarga erishish istagi, orzularingizga yaqinlashish yo‘lingizdagi juda ko‘p qiyinchiliklarni yengishingizga yordam beradi. Bu ishlashga, tavakkal qilishga va undan zavq olishga yordam beradigan hissiyot. Bunday holda qisqa psixoterapiya kursi yordam berishi mumkin: o‘rtacha 1 oydan 3 oygacha. Agar ertalab holdan toygan bo‘lsangiz yoki befarqlik hissini sezsangiz, ruhiy resurslarni tiklash muhimdir.
Izoh (0)