Россиялик сиёсатчи Борис Надеждин Марказий сайлов комиссиясига Россия президентлигига номзод сифатида рўйхатга олиниши учун имзолар топширди. Бу ҳақда Meduza хабар берди.
Надеждин номзоди рўйхатга олиниши учун 100 ва 105 минг имзо тўплаши керак эди. Шу билан бирга, Россиянинг ҳар бир ҳудудидан икки ярим мингдан ортиқ имзо бўлмаслиги лозим.
“Мана, Россия фуқароларининг 105 минг та имзоси бўлган қутилар, таъкидлайман, Россия ҳудудида тўпланган, чунки Россиядан ташқарида бўлган ўн минглаб фуқаролар ҳам биз учун имзо қўйишган. Биз бу имзоларни бу ерга олиб келганимиз йўқ, лекин уларни алоҳида ҳисоблаймиз”, — деди Надеждин.
Борис Надеждин урушга очиқдан-очиқ қарши чиққан ва Россия президентлиги учун курашаётган ягона сиёсатчидир. У “Фуқаролик ташаббуси” партияси томонидан илгари сурилган.
Meduza манбаларига кўра, Кремль Марказий сайлов комиссиясига урушга қарши ҳар қандай сиёсатчини сайловларда рўйхатга олишга рухсат беришга “тайёр эмас”.
Россияда президентлик сайловлари 2024 йил 15-17 март кунлари бўлиб ўтади. Ҳозирча тўрт нафар номзод рўйхатга олинган: амалдаги президент Владимир Путин, ЛДПР раҳбари Леонид Слуцкий, Россия Коммунистик партияси вакили Николай Харитонов ва “Янги одамлар” партияси аъзоси Владислав Даванков.
Изоҳ (0)