Россиялик ҳарбий инструкторлар Тожикистон Қуролли кучлари учун минг нафар кичик мутахассис тайёрлайди. Бу ҳақда Россия Мудофаа вазирлиги хабар берди.
Машғулотлар бир вақтнинг ўзида Ляур ва Самбулидаги иккита полигонда 14 та ҳарбий мутахассислик бўйича олиб борилади: Т-72 танкининг ҳайдовчи механиги ва ўқотар оператори, БМ-21 “Град” ўт очувчи реактив тизимининг экипаж командири, 2С1 “Гвоздика” ўзиюрар артиллерияси ва БТР-80 зирҳли транспорт воситасининг бошқарувчиси, БМП-2 пиёда жанговар машинасининг ўқотар-оператори, разведкачи, граната отувчи ва бошқалар.
Курс ўртача уч ой давом этади ва жанговар машиналар, қуроллар ва гранатомётлардан ўқ отиш синови билан якунланади.
Тожикистонда жойлашган 201-ҳарбий база Россиянинг чегарадан ташқаридаги энг йирик ҳарбий объектидир. У икки шаҳарда — Душанбе ва Boxтарда жойлашган. Ҳарбий база моторли милтиқ, танк, артиллерия, разведка бўлинмалари, ҳаво ҳужумидан мудофаа бўлинмалари, радиация, кимёвий ва биологик мудофаа ва алоқа қўшинларидан иборат.
Изоҳ (0)