Москвада таҳқирловчи характердаги видеоларни (вайнлар, ҳазиллар) интернетга жойлаштирганлик учун тожикистонлик блогер Салмон Жумабойга нисбатан жиноий иш очилди, деб хабар берди Россия Тергов қўмитаси.
Пойтахт Тергов қўмитаси Россия Жиноят кодексининг 282-моддаси 2-қисми “в” банди (нафрат ёки адоват қўзғатиш, шунингдек, инсон қадр-қимматини камситиш) бўйича жиноий иш қўзғатди.
“2023 йил 9 декабрь куни Тожикистон Республикаси фуқароси бир гуруҳ рус миллатига мансуб шахсларга нисбатан душманлик муносабатларига асосланган, славян кўринишидаги қизларнинг инсоний қадр-қимматини камситиш белгиларини ўз ичига олган видеолавҳани суратга олган ва кейин интернетга жойлаштирган”, — дейилади ҳисоботда.
Ҳозирда гумонланувчи қўлга олиниб, тергов ҳаракатлари олиб борилмоқда, хусусан, блогер томонидан суратга олинган бошқа видеолар текширилмоқда.
Shot Telegram канали хабар беришича, 9 декабрь куни тармоқда пайдо бўлган видеода блогер “тез орада барча рус қизлари бизники бўлади”, деб таъкидлаб, “Наташа билан” қандай қилиб вақтичоғлик қилганини айтиб беради.
Изоҳ (0)