Тошкент шаҳри туманларининг айрим ҳудудларида электр таъминоти вақтинча тўхтатилади. Бу ҳақда “Ҳудудий электр тармоқлари” хабар берди.
Қайд этилишича, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларни олдини олиш ҳамда мавжуд электр қурилмаларида таъмирлаш ишларини олиб бориш мақсадида эртага, 24 январь куни қуйидаги манзилларда электр таъминоти вақтинча ўчирилади:
- Миробод тумани — “Қорасув” МФЙнинг айрим ҳудудларида соат 09:00 дан 17:00 гача;
- Учтепа тумани — “Ватан” МФЙнинг айрим ҳудудларида соат 09:00 дан 17:00 гача.
Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлиги маълум қилинди.
“Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди.
Шунингдек, таъмирлаш ишлари туфайли Тошкент шаҳар Миробод туманининг “Салар” МФЙга 24 январь куни соат 11:00 дан 17:00 га қадар табиий газ етказиб бериш вақтинча тўхтатилади:
- аҳоли истеъмолчилари — 21 та юқори қаватли уйлардаги 372 та хонадон
Таъмирлаш ишлари тугатилгандан сўнг, табиий газ таъминоти қайта тикланади.
Аввалроқ Ўзбекистонда декабрь ойининг 15 кунида айрим истеъмолчиларнинг электр энергияси ва табиий газдан ноқонуний фойдаланиши натижасида давлат манфаатларига 73 миллиард 274 миллион сўмлик зарар етказилгани тўғрисида хабар берилганди.
Изоҳ (0)