Дин ишлари бўйича қўмита 2024 йил 10 январь ҳолатига кўра, Олий суд томонидан экстремизм ва терроризм ғоялари билан йўғрилган деб топилган, Ўзбекистон ҳудудига олиб кириш, тайёрлаш, тарқатиш ва намойиш этиш тақиқланган материаллар рўйхатини эълон қилди.
Унда Facebook, Telegram, Instagram, YouTube, Одноклассники , TikTok даги саҳифалар, сайтлар келтирилган.
Уларда келтирилган материаллар Олий суд томонидан экстремизм, терроризм ва ақидапарастлик ғоялари билан йўғрилган, шунингдек, аҳоли орасида турли ихтилоф ва тушунмовчилик, мутаассиблик ҳамда экстремистик, террористик ташкилотлар ва уларнинг ғоявий етакчилари фаолиятига нисбатан хайрихоҳлик кайфиятини уйғотувчи деб топилган.
Қўмита ижтимоий тармоқлардаги диний мазмундаги материалларга лайк босиш ёки улашишдан эҳтиёт бўлишга, дуч келган электрон китоб, мақола ва электрон иловаларни юклаб тарқатишдан тийилишга, текширилмаган фото ва видеоматериалларни интернетдан юклаб олмасликка чақирди.
Изоҳ (0)