Нидерландия НАТОнинг сўнгги ўн йилликлардаги энг йирик Steadfast Defender 2024 машғулотларида иштирок этиш учун 5 мингдан ортиқ аскар ва 2 та кема жўнатмоқчи.
Бу ҳақда Нидерландия Мудофаа вазирлиги хабар бермоқда.
“НАТО Совуқ уруш тугаганидан бери энг йирик ҳарбий машғулотларни ўтказмоқда. Уларда 90 мингга яқин аскар иштирок этади. Нидерландия ҳам уларда 5 мингдан ортиқ аскар ва 2 та ҳарбий кема билан қатнашмоқда”, — дейилади вазирлик хабарида.
НАТОнинг Steadfast Defender 2024 машқлари 2024 йилнинг февралидан майигача Европада бўлиб ўтади. Унда альянс таркибидаги 31 та давлат ва Швеция иштирок этади.
Нидерландия Мудофаа вазирлиги апрель ойида Германия билан қўшма машқларда қатнашиш режаларини ҳам эълон қилди, улар давомида йирик армия бўлинмаларини узоқ масофаларга оператив тарзда етказиш амалиёти ўтказилади.
Изоҳ (0)