Нидерландия 2023 йилда Украинага 102 миллион евро миқдорида учинчи ёрдам пакетини ажратади, деб хабар қилди мамлакат Вазирлар Маҳкамаси.
“Нидерландия Украинага 2023 йилда учинчи ёрдам пакетига 102 миллион евро ажратмоқда. Ушбу қўшимча маблағнинг 60 миллиони мамлакат тикланишига ҳисса қўшмоқчи бўлган Нидерландия компанияларини қўллаб-қувватлашга йўналтирилади”, — дейилади ҳукумат баёнотида.
Қайд этилганидек, ажратилган маблағнинг 30 миллиони қиш арафасида Украина учун газ сотиб олиш ва электр тармоқларига эҳтиёт қисмлар етказиб беришга сарфланади.
Қолган 12 миллион евро эса Украинага ислоҳотлар ўтказиш ва бошқа мақсадларда техник ёрдам кўрсатадиган ХВЖга йўналтирилади.
Аввалроқ Нидерландия расмийлари 2023 йилда Украинага жами 2,5 миллиард евро миқдорида ҳарбий ёрдам кўрсатишни режалаштираётганликларини маълум қилганди. Шу кунгача Нидерландиянинг Киевга берган ҳарбий ёрдами 1,9 миллиард еврони ташкил қилди.
Изоҳ (0)