Афғонистоннинг Мозори Шариф шаҳрида “Толибон” аъзолари руҳий касалликдан азият чеккан кекса одамни ўлдирди. Бу ҳақда манбаларга таяниб, Etilaatroz хабар берди.
Кекса одам “Толибон” ҳукуматини ҳақорат қилганликда айбланган. Афғонистон муваққат ҳукумати расмийлари мазкур маълумотни рад этмоқда. Манбаларга кўра, марҳум 21 январь куни эрталаб Мозори Шарифдаги Алкози чорраҳаси ҳудудида отиб ўлдирилган. Маҳаллий аҳолининг камида учта манбаси қурбон узоқ йиллар давомида Мозори Шариф кўчаларида айланиб, ўзи билан ўзи гаплашиб юришини айтган.
Манбаларнинг қўшимча қилишича, “Толибон” аъзолари руҳий касалликка чалинган одамни ҳукуматни ҳақорат қилишда айблаган. Балхдаги “Толибон” хавфсизлик қўмондонлиги матбуот котиби Осиф Вазирий марҳум ўлдирилгани ҳақидаги даъвони ҳеч қандай изоҳсиз рад этди ва “бу ҳақиқат эмас” деди.
Изоҳ (0)