Афғонистоннинг Қандаҳор шаҳрида 10 ёшли бола “отаси калтаклашидан қўрқиб” ўзини осиб ўдирди. Бу ҳақда “Толибон” хавфсизлик манбалари маълум қилди, деб ёзмоқда “Дарё”нинг Афғонистондаги мухбири.
Воқеа 24 август куни содир бўлган. Хабарда айтилишича, Моҳибулла исмли бола мактабдан чиқиб, дарёга чўмилишга кетган. Уйга қайтганида онаси уни рухсатсиз дарёга кетгани учун койиб, отасига шикоят қилиш билан қўрқитган.
Манбага кўра, ушбу таҳдиддан кейин бола хонага кирган ва отаси калтаклашидан қўрқиб, ўзини осиб қўйган.
Қандаҳордаги “Толибон” полицияси боланинг ўз жонига қасд қилиши юзасидан тергов бошлади.
Аввалроқ Эронда афғонистонлик эркак уйдаги бетартиблик сабаб 10 яшар қизини калтаклаб ўлдиргани хабар қилинганди. Полиция маълумотларига кўра, қизча электр кабели билан қаттиқ калтакланган бўлиши мумкин, отаси ўз айбига иқрор бўлган.
Изоҳ (0)