Қозоғистонда “оила ва карьера ўртасидаги мувозанатни” сақлаш бўйича давлат хизматчилари учун кўрилаётган чора-тадбирлар маълум қилинди. Бу ҳақда Nur.kz хабар берди.
Қозоғистон давлат хизмати ишлари бўйича агентлиги раиси Дархан Жазикбай бу бўйича маълумот берди. Унга кўра, агентлик томонидан 2023 йилда давлат хизматчиларининг ортиқча иш билан банд бўлишига йўл қўймаслик мақсадида уларнинг иш вақти мониторинг қилинган. Натижада 234 нафар давлат хизматчисига қўшимча дам олиш соатлари, яна 53 нафарига ўз ҳуқуқлари учун компенсация берилган.
Шунингдек, давлат хизматчиларининг карьера ва оила ўртасидаги мувозанатини сақлаши учун чора-тадбирлар кўрилгани маълум қилинган.
“Ўтган йили давлат хизматчиларининг маълум тоифаси масофадан туриб ёки мослашувчан график асосида ишлаш имкониятига эга бўлди. Бу иш вақти самарадорлигини оширишга хизмат қилмоқда. Агар 2022 йилда 835 нафар давлат хизматчиси мослашувчан график асосида ишлаган бўлса, 2023 йилда уларнинг сони 3024 кишини ташкил этди”, — дейди Давлат хизмати ишлари агентлиги.
Изоҳ (0)