Қозоғистон фуқароларининг президентга бўлган ишонч даражаси баҳоланди

Қозоғистонликларнинг президент Қосим-Жўмарт Тўқаевга ишонч даражаси жорий йилнинг тўртинчи чорагида 82,8 фоизни ташкил этди. Бу ҳақда сиёсатшунос Уразгали Селтеевга таяниб, Tengrinews хабар берди.

Селтеевга кўра, йил охирида кўплаб тадқиқот ва эксперт-таҳлил ташкилотлари (ҳам давлат, ҳам хусусий) социологик тадқиқотлар натижаларини фаолроқ олиб бора бошлади. Мутахассис бу яхши тенденция ва оммавий соҳада бундай контент кўпроқ бўлиши кераклигини айтди.

“Афтидан, ‘Стратегия’ ижтимоий-сиёсий тадқиқотлар маркази томонидан қозоғистонликлар томонидан давлат органлари фаолиятини маъқуллашни баҳоловчи тадқиқот кўпчиликни қизиқтирди, хусусан, уларнинг натижаларига кўра, президент Тўқаев фаолиятини маъқуллаш рейтинги 76,4 фоизни ташкил этди.

Шунингдек, яқинда Конрад Аденауэр жамғармаси кўмагида Демосcопе ва Paperлаб жамоатчилик фикрини экспресс мониторинг қилиш бюроси томонидан ‘Қозоғистондаги жорий вазиятни баҳолаш ва йил якунлари’ сўрови натижалари эълон қилинди. Унда фуқароларни қийнаётган муаммолар ва жамоатчилик мурожаатлари билан бир қаторда, давлат институтларига ишонч мавзусига ҳам тўхталиб ўтилди. Президентга бўлган ишонч 69,4 фоизни ташкил этмоқда”, — дейди сиёсатшунос Уразгали Селтеев.

Селтеев нафақат фаолият самарадорлигини, ишонч ва умид даражасини, балки сайловчилар рейтингини ҳам мунтазам равишда ўлчаш керак, деб ҳисоблайди.

“Агар давлат раҳбари ҳақида гапирадиган бўлсак, жорий йилнинг тўртинчи чорагида унга бўлган ишонч даражаси 82,8 фоизни ташкил этди. Президентнинг сўнгги икки-уч ойдаги фаолиятига респондентларнинг 85,6 фоизи аъло ёки яхши деб баҳо берди. Тўқаев яқин орада мамлакатдаги вазиятни ижобий томонга ўзгартиришга эришадими ёки йўқ, деган саволга респондентларнинг 81,6 фоизи ижобий жавоб берди. Агар келаси якшанба куни президентлик сайловлари ўтказилса эди, респондентларнинг 80,5 фоизи катта эҳтимол билан ‘ҳа’ деб овоз берган бўларди”, — деди у.

Сиёсатшуноснинг фикрича, Тўқаев сиёсатига ишончнинг биринчи чоракка нисбатан 7,6 фоизга ошгани икки омил оқибати бўлиши мумкин.

“Биринчидан, сентябрдаги мурожаатнома тизимли муаммоларни тан олиш нуқтаи назаридан жуда очиқ бўлиб, уларни ҳал этиш йўналишлари ва истиқболли, рағбатлантирувчи режалар белгилаб берилди. Иккинчидан, давлатимиз раҳбари дастурида хорижий сармояларни жалб этиш, транспорт-логистика муаммоларини ҳал этиш мақсадида хорижий давлатлар раҳбарлари, халқаро ташкилотлар ва бизнес вакиллари билан кўплаб учрашувлар ўтказилаётгани ажойиб сиёсий куз мавсуми бўлди”, — деди сиёсатчи.