Футбол бўйича Осиё Кубоги гуруҳ босқичининг 2-турида Ўзбекистон терма жамоаси 18 январь, пайшанба куни Ҳиндистонга қарши баҳс олиб борди.
Учрашув тезкор гол билан бошланди. 4-дақиқада Аббосбек Файзуллаев боши билан дарвозани ишғол этиб, ҳисобни очди. 18-дақиқада эса Аббосбек бошлаган ҳужумни Игор Сергеев гол билан якунлади.
Биринчи бўлим охирида Сайфиев томонидан узатилган тўпни Шерзод Насруллаев дарвозага жойлаб қўйди.
Иккинчи бўлимда эса дарвозалар ишғол этилмади ва Ўзбекистон 3:0 ҳисобида зафар қучди. Шу тариқа Сречко Катанес жамоаси гуруҳдаги очколари сонини 4 тага етказиб олди.
Гуруҳнинг иккинчи ўйинида Австралия Сурияни кичик ҳисобда мағлуб этди.
2-турдан сўнг B гуруҳи қуйидагича кўриниш олган:
Ўзбекистон терма жамоаси гуруҳдаги сўнгги ўйинини 23 январь куни Австралияга қарши ўтказади. Учрашув Тошкент вақти билан 16:30 да старт олади.
Осиё Кубоги
2-тур баҳси
18 январь, пайшанба
Ҳиндистон — Ўзбекистон 0:3
Голлар: 0:1 — 4 Аббосбек Файзуллаев, 0:2 — 18 Игор Сергеев, 0:3 — 45+3 Шерзод Насруллаев.
Ҳиндистон: 1. Гурпреет Сингх Санду, 2. Раҳул Беке, 5. Сандеш Жинган, 6. Акаш Мишра, 7. Анируд Тапа (10. Брандон Фернандес,72) 8. Суреш Сингх, 9. Манвир Сингҳ, 11. Сунил Четри (26. Ишан Пандита, 72), 14. Манеш Сингҳ, 19. Лаленгмавиа Апуиа, 21. Никил Чандрашекҳар.
Ўзбекистон: 1. Ўткир Юсупов, 4. Фарруҳ Сайфиев, 13. Шерзод Насруллаев (26. Зафармурод Абдираҳматов, 46) 25. Абдуқодир Ҳусанов, 15. Умар Эшмуродов, 7. Отабек Шукуров, 9. Одил Ҳамробеков (14. Жамшид Болтабоев, 84), 10. Жалолиддин Машарипов (19. Азиз Турғунбоев, 73), 11. Остон Ўрунов (20. Ҳожимат Эркинов, 73), 22. Аббосбек Файзуллаев (8. Жамшид Искандеров, 84), 21. Игор Сергеев.
Изоҳ (0)