Бельгия молия вазири Винсент ван Петегем Европа Иттифоқи Россия банкининг музлатилган активларини ҳибсга олиш бўйича техник ишларни бошлаганини айтди. Гап 300 миллиард доллар ҳақида кетмоқда.
“Биз декабрь ойида Еврокомиссия ва Европа Иттифоқи дипломатияси раҳбаридан олинган таклифларни таҳлил қилдик ва бу масалада тезкорлик билан ҳаракат қилиш ниятимиз борлигини тасдиқладик. Техник даражадаги ишлар аллақачон бошланган ва биз тез орада ижобий натижага эришиш ниятидамиз”, — деб ёзди вазир Х (собиқ Twitter) ижтимоий тармоғида.
2022 йилда Украина ҳудудида ҳарбий ҳаракатлар бошланганидан сўнг, Европа Иттифоқи Россиянинг Европадаги 300 миллиард долларлик активларини музлатиб қўйди. Бу ҳақда Россия Молия вазирлиги раҳбари Антон Силуанов ҳам айтиб ўтганди.
2024 йил 6 январда Украина президенти иттифоқчиларни активларни Киевга топширишни тезлаштиришга чақирди. Бунинг учун зарур бўлган қонун лойиҳасини муҳокама қилиш 2024 йилнинг февралига мўлжалланган бўлиб, Украина ҳудудида ҳарбий ҳаракатлар бошланганининг икки йиллигидан олдин жараён бошланиши керак.
Активларни топшириш Киевга қўшимча молиявий ёрдам сифатида қабул қилинган чора бўлиши мумкин. Кремль Россиянинг активлари мусодара қилинишига худди шундай жавоб қайтаришга ваъда берди.
Изоҳ (0)