Агар Афғонистон муваққат ҳукумати ва Покистон ўртасида келишувга эришилмаса, Афғонистон Покистон билан чегараларини абадий ёпади. Бу ҳақда “Толибон” баёнотига таяниб, Аva Press хабар берди.
Torxам чегараси бир неча кундан бери транспорт ҳаракати учун ёпилган, Покистон матбуоти эса икки давлат расмийлари ўртасида Torxам ўтиш жойини қайта очиш бўйича музокаралар муваффақиятсиз якунлангани ҳақида ёзмоқда. “Толибон” Исломободга олиб борадиган иккита муҳим Torxам ва Харлачи ўтиш жойлари бутунлай ёпилишидан огоҳлантирган.
Dan Pakistan газетасига кўра, 16 январь куни “Толибон” ва Покистон расмийлари ўртасида Torxам ўтиш жойини қайта очиш масаласида учрашув бўлиб ўтган. Афғонистон муваққат ҳукумати икки томон келишувга эришмаса, Torxам ва Харлачи чегараларини Покистон билан абадий ёпиши ҳақида огоҳлантирган.
Сабаби “Толибон” Исломобод билан музокараларни давом эттиришдан бош тортишини маълум қилган.
Покистон расмийларининг янги сиёсатига кўра, Torxам чегарасидан фақат виза ва паспорт билан ўтиш мумкин, акс ҳолда ҳайдовчилар ҳаракатлана олмайди. Покистоннинг ҳаракатларига жавобан “Толибон” Покистон юк машиналарининг Афғонистонга киришига рухсат бермаган.
“Толибон” Покистон хавфсизлик расмийларига янги чекловлар улар учун мақбул эмаслигини, чунки уларга виза сиёсати ҳақида олдиндан ҳеч қандай расмий хабар берилмаганини айтган.
Шунингдек, “Толибон” Покистонда қолиб кетган барча афғон юк машиналарининг мамлакатга қайтишига рухсат беришни, сўнгра асосий дарвозага “цемент” девори қуриш орқали чегарани абадий ёпишини билдирган.
Изоҳ (0)