Покистон ташқи ишлар вазири Қандаҳорда “Толибон” губернатори Мулла Ширин билан тинчлик, хавфсизлик ва минтақавий савдо ҳақида суҳбатлашди. Бу ҳақда Aamaj News хабар берди.
Покистон ТИВ вазирлик раҳбари Жалил Аббос Жилоний Қандаҳордаги “Толибон” губернатори ва ҳаракатнинг ҳарбий разведка ва стратегияси бўйича ўринбосари Мулла Ширин билан учрашганини, тинчлик, хавфсизлик ва минтқавий савдо ҳамкорлик масалаларини муҳокама қилганини маълум қилди.
Вазирлик баёнотида айтилишича, Покистон ва “Толибон” делегацияси ўзаро манфаатли муҳим масалалар, жумладан, тинчлик ва хавфсизликни ҳам муҳокама қилган. Унда Покистон ташқи ишлар вазири Исломобод Афғонистон билан ўзаро ҳамкорлик ва манфаатли икки томонлама муносабатларни давом эттириш тарафдори эканини таъкидлаган.
Жилоний, шунингдек, савдо ва минтақавий алоқалар учун барча имкониятлардан фойдаланиш масалаларини ҳал этиш муҳимлигини айтган.
Эслатиб ўтамиз, Покистондан минглаб афғон муҳожирларининг депортация қилиниши ва Покистон толибларининг мамлакат ҳарбийларига қарши бир неча ҳалокатли ҳужумларидан сўнг “Толибон” ва Исломобод ўртасидаги муносабатлар ёмонлашган эди.
Изоҳ (0)