Покистон муваққат ҳукумати бош вазири Анвар Ҳақ Какарнинг даъво қилишича, “Толибон” Афғонистон устидан назоратни тиклаган сўнгги икки йилдан бери Покистонда афғон ҳужумчилари томонидан 16 та худкушлик ҳужуми содир этилган. Унинг баёноти The Telegraph газетасида чоп этилди.
Какарнинг сўзларига кўра, яна 16 нафар афғонистонлик жангарилар чегара ҳудудларида Покистон кучлари билан тўқнашган.
“Ҳар сафар ‘Толибон’ билан ушбу масалаларни муҳокама қилсак, улар бизга сабабларни Покистондан қидиришни маслаҳат беради”, — деб қўшимча қилди Покистон муваққат ҳукумати бош вазири. “Ниҳоят, биз уларнинг маслаҳатларига қулоқ солишга ва ички тартибни танлашга қарор қилдик”.
Покистон “Толибон” ҳукуматига “Покистон толиблари”ни қўллаб-қувватлаётганидан норозилигини билдирган ва бир неча бор огоҳлантирган. Ҳатто Покистон кучлари Афғонистондаги “Покистон толиблари”га қарши икки марта ҳарбий амалиётлар ўтказди.
“Толибон” аскарлари Torxам чегарасида бир неча бор Покистон аскарлари билан тўқнашди. Яқинда Покистон муваққат ҳукумати афғон муҳожирларига мамлакатни тарк этиш учун бир ой муддат берди. Муҳлат тугаганидан сўнг Покистондан 500 мингдан ортиқ афғон муҳожирлари депортация қилингани айтилмоқда.
Изоҳ (0)