Тошкент— Истанбул йўналиши бўйича учаётган самолёт йўловчилардан бирининг соғлиғи ёмонлашгани сабабли Анқарага қўнишга мажбур бўлгани ҳақида хабар берилган эди.
Ўзбекистоннинг Туркиядаги элчихонаси мазкур йўловчи вафот этганини маълум қилди. 11 январь куни Ўзбекистон ҳаво йўлларининг Тошкент—Истанбул йўналишидаги HY271 рақамли авиапарвози Анқара шаҳрига фавқулодда қўнишни амалга оширди. 1946 йилда таваллуд топган Ўзбекистон фуқароси Х.Т. давом этиб келаётган сурункали кассалликка шифо топиш илинжида Туркиянинг Истанбул шаҳрига келаётган бўлган.
Бироқ авиапарвоз чоғида бемор соғлиғи ёмонлашган ва юрак ҳуружини бошдан кечирган. Экипаж ҳамда йўловчилар ҳамроҳлигида биринчи тез тиббий ёрдам кўрсатилган ҳамда юрак пулсининг тўхташи кузатилгач, тиббий кўникмага эга бўлган кишилар томонидан юрак массажи қилинган. Бироқ муолажа саъй-ҳаракатларга қарамасдан, фуқаронинг ҳаёти сақлаб қолинолмаган.
Ўзбекистоннинг Туркиядаги элчихонаси томонидан ватандошга тегишли консуллик-ҳуқуқий ёрдам кўрсатилган ҳамда 12 январда марҳум жасадининг Ўзбекистонга жўнатилиши таъминланган.
Изоҳ (0)