Бугунги кунда бир қатор инқирозларда Исроил, Эрон, Туркия каби ўрта тартибдаги давлатлар БМТ Хавфсизлик Кенгашининг беш доимий аъзоси — Россия, Хитой, АҚШ, Франция ва Буюк Британиядан кўра кўпроқ таъсирга эга.
Бу ҳақда БМТ бош котиби Антониу Гутерриш Жаҳон иқтисодий форумида маълум қилди.
“Бирлашган Миллатлар Ташкилоти Хавфсизлик Кенгашининг беш доимий аъзоси бугун анча кам таъсирга эга. Тан олиш керакки, бугунги кунда содир бўлаётган воқеаларга йирик давлатлардан кўра кўпроқ таъсир кўрсатадиган ўрта кучлар бор”, — деди у.
Аввалроқ Антониу Гутерриш Исроил ва Ливан чегарасида жанговар ҳаракатларни тўхтатишга ва “ўт билан ўйнашишни” бас қилишга чақирганди.
“Чегара бўйлаб кунлик ўт очилишидан жиддий хавотирдаман. Бу ҳаракатлар Исроил ва Ливан ўртасида кескинликни кучайтириб, минтақавий барқарорликка жиддий таъсир қилиши мумкин”, — деганди Гутерриш журналистларга.
Изоҳ (0)