Навоийда светофорда тўхтаб турган Matiz орқасига бошқа машина келиб урилишидан икки киши ҳалок бўлди. Бу ҳақда вилоят ИИБ матбуот хизмати хабар берди.
15- январь куни соат 02:00ларда, Навоий шаҳар Ислом Каримов кўчасида ҳайдовчи А.Н. бошқарувида бўлган Matiz светофорнинг қизил чироғида тўхтаб турган вақтда, О.Н. бошқарувидаги Volkswagen ID 6 Crozz Pro русумли транспорт воситаси орқа қисмига келиб урилган.
Оқибатда Matiz орқа ўриндиғида бўлган йўловчилар Э.У. ва О.Ғ. олган тан жароҳатлари сабаб воқеа жойида вафот этган.
Ҳозирда мазкур ҳолат юзасидан Навоий шаҳар ИИБ тергов бўлими томонидан терговга қадар текширув ҳаракатлари олиб борилмоқда.
Изоҳ (0)