“Толибон” ҳаракатининг қамоқхоналарида 19 минг киши, жумладан, 800 нафар аёл сақланмоқда. Бу ҳақда Aamaj News хабар берди.
“Толибон” қамоқхоналар департаментининг ҳарбий ўринбосари Ҳабибулла Бадр тегишли маълумотни эълон қилди. У қамоқхоналарда сиёсий маҳбуслар йўқлигини ва бу маҳбусларнинг барчаси жиноятларда айбланаётганини айтди. “Толибон” жиноят сабабларини келтирмаган бўлса-да, ушбу қамоқхоналарда хорижлик маҳбуслар сақланмоқда.
Бадр мазкур муассасасаларда 9000 нафар полициячи аёл ишлашини таъкидлади. БМТнинг Афғонистонга ёрдам миссияси (UNAMA) “Толибон” разведка бошқармаси ва Ички ишлар вазирлигининг ҳибсхоналарида маҳбусларни қийноқларга солиш ҳолатларидан хавотир билдирди. Аммо “Толибон” амалдори мазкур айбловни рад этади.
UNAMA етти ой олдин “Толибон” асирлари сонини 15 минг киши деб атаганди ва маҳбусларга электр шокерлар қўлланганини билдирганди.
Изоҳ (0)