Эрон Россия фойдаланиши мумкин бўлган Shahed-107 камикадзе ҳужумчи дронининг янги версиясини ишлаб чиқди. Бу ҳақда хавфсизлик манбаларига таяниб, Sky News хабар берди.
Янги қурилма “портловчи ва разведкачи” дрон сифатида тасвирланган бўлиб, эҳтимол, жанговар нишонларни қидириш технологияси билан жиҳозланган. Махсус ишлаб чиқилган дроннинг бир нечта бирликлари Россияга қиймати 2 миллион доллардан ортиқ бўлган келишув доирасида таклиф қилинган бўлиши мумкин.
“Бу Эрон Россиянинг Украинага нисбатан манфаатларини қўллаб-қувватлаш учун олиб бораётган муҳим муҳандислик ишларини акс эттиради”, — дейди манба.
Янги дрон Shahed-101 оиласига тегишли. Тахминан, 2,5 метр узунликдаги ва қаноти уч метрга кенгайган дронни транспортдан учириш мумкин. Техника 1500 километр радиусни қамраб олиши тахмин қилинмоқда. Эҳтимол, у видео узатиш имконига эга радиоэлектрон қурилма билан жиҳозланган. Бундай разведка имкониятлари унга фронт чизиғида бошқа дронлар ёки қурол тизимларини аниқлашда ёрдам беради.
Хавфсизлик манбасининг даъво қилишича, Эрон хавфсизлик кучлари Эроннинг марказий қисмидаги авиабазада руслар иштирокида синовлар ўтказган. Унда Shahed-107 ва Shahed-136 дронлари жалб қилинган.
Изоҳ (0)