Қозоғистонда қимматбаҳо металлар ишлаб чиқариш ва хорижга сотиш кескин камайди, деб ёзади LS.
2023 йилнинг 8 ойида республикада олтин қазиб олиш ўтган йилнинг шу даврига нисбатан қарийб учдан бир қисмга камайган ва 58,9 тоннани ташкил этган.
“Қозоғистон ушбу металлни 24 фоизга кам — 1,9 тонна экспорт қила бошлади. Шу билан бирга, Россияга етказиб бериш 1,7 баробарга (1,6 тонна) ошди, Қирғизистонга эса 8 бараварга (200 кг) камайди”, — деб ёзади нашр.
Қозоғистонга олтин импорти 2,4 баробарга (3 тонна) камайган. Тўлиқ ҳажм Россиядан сотиб олинган.
Эслатиб ўтамиз, Қозоғистонда кумуш ишлаб чиқариш ҳам 8,8 фоизга камайиб, 631,6 тоннани ташкил қилган. Унинг экспорти 594 тоннагача камайди. Металлнинг энг йирик харидорлари:
- Буюк Британия — 467,5 тонна;
- АҚШ — 88,4 тонна;
- Туркия — 28,2 тонна;
- Германия — 4 тонна.
Шу билан бирга, кумуш импорти 7,5 бараварга қисқариб, 1,1 тоннани ташкил этди. Қозоғистон ушбу металлни Россия, Италия ва АҚШдан сотиб олган. Айни пайтда мамлакатдан кумуш тангалар 107 тонна экспорт қилинди, бу 2022 йилга нисбатан 1,6 баробар кўпдир. Тўлиқ ҳажм Тожикистон ва Беларусга жўнатилган.
Изоҳ (0)