Ўзбекистон бош консули Алишер Саломов Бирлашган Араб Амирликлари Ташқи ишлар вазирлигининг Дубай бўлими бошлиғи ўринбосари Рашид Абдулла Ал Касир билан учрашди. Бу ҳақда “Дунё” агентлиги хабар берди.
Қайд этилишича, мулоқот чоғида Ўзбекистон—БАА муносабатлари кун тартибидан ўрин олган муҳим масалалар муҳокама қилинган. Амирлик томони Ўзбекистон билан фаол ривожланиб бораётган ҳамкорликни юқори баҳолаган.
Учрашув якунида БАА вакили Алишер Саломовга Ўзбекистоннинг Дубайдаги Бош консули лавозимида ўтказган самарали 5 йиллик фаолияти учун миннатдорлик билдирган.
Алишер Саломов 2019 йил январь ойида Ўзбекистоннинг Дубайдаги Бош консуллигига раҳбар этиб тайинланган эди.
Аввалроқ Амирсаид Агзамхўжаев Ўзбекистоннинг Польшадаги элчиси этиб, Ўзбекистонинг АҚШдаги собиқ элчиси Жавлон Ваҳобов эса Марказий Осиё халқаро институтининг янги директори этиб тайинлангани тўғрисида хабар берилган эди.
Изоҳ (0)