O‘zbekiston Respublikasining Polsha Respublikasidagi Elchixonasiga yangi rahbar tayinlandi, bu haqda O‘zbekiston Respublikasi Tashqi ishlar vazirligi matbuot xizmati xabar qiladi.
Xabarda aytilishicha, 4-may kuni O‘zbekiston Respublikasi Oliy Majlisi Senatining o‘n to‘qqizinchi yalpi majlisida Bahrom Babayev O‘zbekiston Respublikasining Polsha Respublikasidagi Favqulodda va muxtor elchisi etib tayinlandi.
Bahrom Babayev ilgari elchixona maslahatchisi lavozimida ishlagan. Undan avval TIVning MDH mamlakatlari va Rossiya bilan hamkorlik boshqarmasi boshlig‘i lavozimida faoliyat olib borgan.
