O‘zbekiston bosh konsuli Alisher Salomov Birlashgan Arab Amirliklari Tashqi ishlar vazirligining Dubay bo‘limi boshlig‘i o‘rinbosari Rashid Abdulla Al Kasir bilan uchrashdi. Bu haqda “Dunyo” agentligi xabar berdi.
Qayd etilishicha, muloqot chog‘ida O‘zbekiston—BAA munosabatlari kun tartibidan o‘rin olgan muhim masalalar muhokama qilingan. Amirlik tomoni O‘zbekiston bilan faol rivojlanib borayotgan hamkorlikni yuqori baholagan.
Uchrashuv yakunida BAA vakili Alisher Salomovga O‘zbekistonning Dubaydagi Bosh konsuli lavozimida o‘tkazgan samarali 5 yillik faoliyati uchun minnatdorlik bildirgan.
Alisher Salomov 2019-yil yanvar oyida O‘zbekistonning Dubaydagi Bosh konsulligiga rahbar etib tayinlangan edi.
Avvalroq Amirsaid Agzamxo‘jayev O‘zbekistonning Polshadagi elchisi etib, O‘zbekistoning AQSHdagi sobiq elchisi Javlon Vahobov esa Markaziy Osiyo xalqaro institutining yangi direktori etib tayinlangani to‘g‘risida xabar berilgan edi.
