Бухоро ва Андижон вилоятларида акциз маркасиз тамаки маҳсулотлари муомалага киритилишининг олди олинди, деб хабар беради Бош прокуратура ҳузуридаги департамент.
Қайд этилишича, Бухоро вилоят бошқармаси томонидан ДХХ, Божхона ва Миллий гвардия ходимлари ҳамкорлигида тезкор тадбир ўтказилган. Тадбирда Ғиждувон туманидаги “Сармижон” йўл-патрул хизмати масканида фуқаро М.Т.нинг бошқарувидаги Isuzu русумли юк автотранспорт воситаси тўхтатилиб, кўздан кечирилган. Текширув давомида умумий баҳоси 225 миллион сўмлик 15 минг қути Milano ҳамда 1 000 қути Esse Change номли акциз маркасиз тамаки маҳсулотлари ўтказиш мақсадида олиб келингани аниқланиб, ушбу маҳсулотлар ашёвий далил сифатида олинган.
Шу каби, департаментнинг Андижон шаҳар бўлими томонидан Солиқ инспекцияси ходимлари билан ҳамкорликда ўтказилган тезкор тадбирда фуқаро Р.А. “Мустақиллик” МФЙ ҳудудида жойлашган савдо дўконида 22 хил турдаги жами 3 111 қути акциз маркасиз тамаки маҳсулотларини сотувга қўйгани аниқланиб, ушбу маҳсулотлар ашёвий далил сифатида олинган.
Мазкур ҳолатлар юзасидан Жиноят кодексининг 25, 186-1-моддаси (Этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят ишлари қўзғатилиб, тергов ҳаракатлари ўтказилмоқда.
- Наманганда май ойида вилоят ҳудудига ноқонуний олиб кирилган қарийб 200 миллион сўмлик тамаки маҳсулотлари ёқиб юборилганди.
- Шунингдек, Тошкент ва Фарғонада акциз маркасиз тамаки ва алкогол маҳсулотлари савдоси тўхтатиб қолингани,
- Наманган вилоятида ўтказилган тезкор тадбирда акциз маркасиз тамаки маҳсулотлари муомалага киритилишининг олди олингани тўғрисида хабар берилганди.
Изоҳ (0)