Ўзбекистонда давлат маданият муассасалари ва давлат архивлари ходимлари ойлиги оширилди.
3 январдан бошлаб “Давлат маданият муассасалари ва давлат архивлари ходимлари меҳнатига ҳақ тўлаш ва уларни моддий рағбатлантиришнинг такомиллаштирилган тизимини тасдиқлаш ҳақида” 2018 йил 19 июндаги қарорига ўзгариш киритиш тўғрисидаги ҳукумат қарори кучга кирди.
Унда давлат маданият муассасалари ва давлат архивлари ходимларининг меҳнатига ҳақ тўлашнинг энг кам миқдорига нисбатан ҳисобланадиган базавий лавозим маошлари миқдорлари келтирилди.
Шавкат Мирзиёев 2023 йил 22 декабрь куни Республика Маънавият ва маърифат кенгашининг йиғилишида маданият ва санъат, кутубхона ва музейлар соҳасида ишлаётган ходимлар ойликлари оширилишини айтганди. Маданият ва санъат, кутубхона ва музейлар соҳасида фаолият олиб бораётган ходимларнинг ойликлари 2024 йил 1 апрелдан 20 фоизга, 2025 йил 1 январдан яна 15 фоизгача бўлган миқдорда оширилиши маълум қилинганди.
Изоҳ (0)