Молдовада икки ҳафтадан камроқ вақт ичида 25 та парранда гриппи (H5N1) билан касалланиш ҳолати қайд этилди, деб хабар қилди Озиқ-овқат хавфсизлиги миллий агентлиги (ANSA) матбуот хизмати.
“2023 йилнинг 22 декабридан 2024 йилнинг 2 январига қадар республика ҳудудида нопрофессионал фермер хўжаликларида H5N1 нинг ўнта, ёввойи табиатдаги қушларда яна 15 та ҳолат қайд этилди. 3 километрлик қўриқлаш зоналари ва 10 километрлик кузатув зоналари ташкил этилди”, дейилади агентлик сайтида.
Шу билан бирга, агентлик Молдованинг Резина туманида қорамолларда, Эдинет туманида эса ёввойи тулкиларда қутуриш касаллиги аниқлангани ҳақида хабар берди.
“Касалланган ҳайвонларнинг жасадлари кремация йўли билан йўқ қилинди... Касалликнинг тарқалишини назорат қилиш ва бартараф этиш чоралари кўрилмоқда”, — дея таъкидланади хабарда.
ANSA Молдова паррандачилик фермерлари ва чорвадорларини паррандаларни уйда сақлашга ва гриппга ўхшаш аломатлар аниқланганда дарҳол хабар беришга чақирди. Фуқаролардан касалликнинг клиник белгиларини ўз вақтида пайқаш учун фермер хўжаликлари ва шахсий томорқалардаги паррандаларга эътиборли бўлишлари сўралди.
Изоҳ (0)