Moldovada ikki haftadan kamroq vaqt ichida 25 ta parranda grippi (H5N1) bilan kasallanish holati qayd etildi, deb xabar qildi Oziq-ovqat xavfsizligi milliy agentligi (ANSA) matbuot xizmati.
“2023-yilning 22-dekabridan 2024-yilning 2-yanvariga qadar respublika hududida noprofessional fermer xo‘jaliklarida H5N1 ning o‘nta, yovvoyi tabiatdagi qushlarda yana 15 ta holat qayd etildi. 3 kilometrlik qo‘riqlash zonalari va 10 kilometrlik kuzatuv zonalari tashkil etildi”, deyiladi agentlik saytida.
Shu bilan birga, agentlik Moldovaning Rezina tumanida qoramollarda, Edinet tumanida esa yovvoyi tulkilarda quturish kasalligi aniqlangani haqida xabar berdi.
“Kasallangan hayvonlarning jasadlari krematsiya yo‘li bilan yo‘q qilindi... Kasallikning tarqalishini nazorat qilish va bartaraf etish choralari ko‘rilmoqda”, — deya taʼkidlanadi xabarda.
ANSA Moldova parrandachilik fermerlari va chorvadorlarini parrandalarni uyda saqlashga va grippga o‘xshash alomatlar aniqlanganda darhol xabar berishga chaqirdi. Fuqarolardan kasallikning klinik belgilarini o‘z vaqtida payqash uchun fermer xo‘jaliklari va shaxsiy tomorqalardagi parrandalarga eʼtiborli bo‘lishlari so‘raldi.
Izoh (0)