Германия конституцион суди миллиардер Алишер Усмоновнинг ўз яхтасидаги тинтувларга қарши берган даъво аризасини қабул қилмади. Бу ҳақда суд қарорига таяниб, “ТАСС” хабар берди.
-BM9j0sDo.jpg)
Суд миллиардернинг шикоятини кўриб чиқиш учун расмий асослар етарли эмас деб топган.
“Эълон қилинган қарорга кўра, Федерал конституциявий суд Сенатининг иккинчи палатаси Ўзбекистон ва Россия фуқароси бўлган аризачининг яхтаси тинтув қилинишига эътироз билдирган шикоятни кўриб чиқиш учун қабул қилмади”, — дейилади суд қарорида.
Алишер Усмонов тинтувларни, шунингдек, жараённи Германия ОАВларида ёритилишини инсон “фундаментал ҳуқуқларининг бузилиши” деб топган.
“Аризачи процессдаги вазиятни конституциявий суд текшириши мумкин бўлган тарзда тақдим этиши керак”, — дейилади қарорда.
Таъкидланишича, суд 14 ноябрдаёқ формал асослар етарли эмас, деб қарор чиқарган. Бироқ қарор бугун эълон қилинган. Германия конституциявий ҳуқуқига ихтисослашган ва Ўзбекистон манфаатларини ифодаловчи Гауwеилер & Саутер адвокатлик фирмаси ўз навбатида суд қарорини ҳурмат қилишини, лекин бундан афсусда эканини билдирган.
“Федерал Конституциявий суд конституциявий шикоятни фақат процессуал сабабларга кўра рад этди”, — деди адвокатлар баёнотида.
Суд бошқа муҳим саволларга “жавоб беришдан қочгани” таъкидланади. Хусусан, Европа Иттифоқининг санкциялар рўйхатига Россиянинг “сиёсий қарорлари учун жавобгар бўлмаган” шахснинг киритилиши асосий ҳуқуқларга зид ёки йўқлигига жавоб берилмаган.
12 август куни Усмонов Конституциявий судга даъво аризаси билан мурожаат қилганди. Чунки миллиардер аввалроқ Бремен портидаги Дилбар яхтасида ўтказилган тинтувлар унинг мол-мулк дахлсизлигига бўлган ҳуқуқининг бузилиши деб ҳисоблаган.
2022 йил 28 февралда Еверопа Иттифоқи Кенгаши Усмоновни бошқа тадбиркорлар, амалдорлар ва маданият арбоблари қаторида, Брюсселга кўра, Украина суверенитети ва ҳудудий яхлитлигини бузишга ҳисса қўшган шахслар қора рўйхатига киритди. Уларнинг барчасига Европа Иттифоқига кириш тақиқланган, активлари эса музлатилган.
Изоҳ (0)